İnzibati rəhbər vəzifələr üzrə test imtahanı vermək üçün 51 namizəd qeydiyyatdan keçib

Bakı, 6 may, AZƏRTAC

Dövlət İmtahan Mərkəzi (DİM) tərəfindən inzibati dövlət qulluğu vəzifələrinin A növünə (inzibati rəhbər vəzifələr) aid olan AB və AC qruplarına uyğun vəzifələr üzrə mayın 15-də keçiriləcək test imtahanına qeydıyyat aparılır.

DİM-dən AZƏRTAC-a bildirilib ki, imtahan vermək istəyən namizədlərin qeydiyyatı mayın 13-ü saat 11:00-dək davam edəcək. Bu gün saat 16:30-a olan məlumata görə, imtahan vermək üçün 51 (AB – 9, AC - 42) nəfər qeydiyyatdan keçib.

İmtahan kompüter vasitəsilə Bakı şəhəri, Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında keçiriləcək.