İDMAN


İrakli Çaçua: Avropa çempionatın təşkilində  fəal dəstəyə görə Azərbaycana minnətdarıq

Tbilisi, 23 sentyabr, AZƏRTAC

Qadınlar arasında voleybol üzrə Avropa çempionatının Azərbaycanın və Gürcüstanın birgə təşkilatçılığı ilə keçirilməsi dostluğumuzun nümunəsidir.

AZƏRTAC xəbər verir ki, bu sözləri Gürcüstan Voleybol Federasiyasının prezidenti İrakli Çaçua söyləyib.

İ.Çaçua bildirib ki, Avropa çempionatının final mərhələsinin "B" qrupunun oyunlarının Tbilisidə keçirilməsi barədə qərarın qəbulu prosesində Azərbaycanın dəstəyini hiss etdik. Bu, gürcü voleybolunun təbliği baxımından mühüm əhəmiyyət kəsb edirdi. Eyni zamanda, Azərbaycan voleybolunun inkişafının, dost ölkənin yüksək təşkilatçılıq qabiliyyətinin göstəricisidir.

Hər addımda Azərbaycanın dost, qardaş dəstəyini hiss etdiklərini vurğulayan İ.Çaçua deyib: "Bilirsiniz ki, Gürcüstan yığmasında legioner yoxdur. Azərbaycan bizim beynəlxalq yarışlarda iştirakımıza imkan yaratdı. Buna görə Azərbaycana minnətdarıq”.

Federasiya prezidenti bildirib ki, belə mötəbər yarışların birgə təşkili dostluğumuzun və qardaşlığımızın göstəricisidir. Bizi qabaqda daha böyük uğurlar gözləyir.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.