DÜNYA


İranın sutkalıq neft ixracı 1,1 milyon barrelə düşüb

Bakı, 9 oktyabr, AZƏRTAC

İranın gündəlik neft ixracı 1,1 milyon barrelə geriləyib.

AZƏRTAC xəbər verir ki, bu barədə mərkəzi ofisi Osloda yerləşən “Rystad Energy” konsaltinq şirkəti məlumat yayıb. Bildirilir ki, buna səbəb ABŞ-ın İrana qarşı tətbiq etdiyi sanksiyalardır. İrandan neft ixracı sentyabr ayında sutkalıq 1,7 milyon barrelə düşüb. Oktyabr ayının ilk həftəsində isə İranın neft ixracı sutkada 1,1 milyon barrel təşkil edib.

Xatırladaq ki, İranın gündəlik neft ixracı aprel ayında 3 milyon barreli ötmüşdü.

Qeyd edək ki, ABŞ noyabrın 5-dən etibarən İranın milli neft-qaz şirkətlərinə beynəlxalq məhdudiyyətlər qoyacaq, neft və qaz satışına da sanksiyalar tətbiq edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.