ELM VƏ TƏHSİL


“İslam fəlsəfəsində Nəsimi fenomeni” mövzusunda beynəlxalq konfrans keçiriləcək

Bakı, 17 aprel, AZƏRTAC

Noyabrın 21-də Bakıda Azərbaycan Milli Elmlər Akademiyasının (AMEA) Fəlsəfə İnstitutunun təşkilatçılığı ilə “İslam fəlsəfəsində Nəsimi fenomeni” mövzusunda beynəlxalq elmi-fəlsəfi konfrans keçiriləcək.

AMEA-dan AZƏRTAC-a bildirilib ki, tədbir 2019-cu ilin ölkəmizdə “Nəsimi ili” elan edilməsi haqqında dövlət başçısının 2019-cu il 11 yanvar tarixli Sərəncamına əsasən təşkil olunacaq.

Konfransın keçirilməsində məqsəd İmadəddin Nəsiminin şəxsində Azərbaycan fəlsəfi fikrinin beynəlxalq səviyyədə təbliğidir.

Tədbirdə “Hürufilik və onun Azərbaycanda nümayəndələri”, “Hürufilik və sufizm: paralellər, fərqlər, oxşar cəhətlər”, “Nəsimi fəlsəfəsində mistika”, “Nəsimi fəlsəfəsində sufizm və hürufizm”, “Ənəl-həqq fenomeninin mahiyyəti və təzahürləri”, “Nəsimi poeziyası Azərbaycan sufi şeirinin zirvəsi kimi” və “Nəsimi: təxəyyül və reallıq arasında” mövzularında müzakirələr aparılacaq.

Məruzələrin tezisləri iyulun 1-dək [email protected][email protected] e-mail ünvanına göndərilməlidir.

Məqalələr konfransın elmi heyəti tərəfindən qiymətləndirildikdən sonra 15 gün ərzində müəllifə məlumat veriləcək. Qəbul edilmiş məruzələrin tam mətninin göndərilməsi üçün son tarix 10 oktyabr 2019-cu ildir.

Məqalə müəlliflərinə sertifikat veriləcək və konfrans materialları toplu şəklində dərc ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.