İDMAN


İspaniya çempionatında hər iki Madrid təmsilçisi xal itirdi

Bakı, 16 sentyabr, Nicat Məmmədov, AZƏRTAC

İspaniya çempionatının dördüncü turuna start verilib.

AZƏRTAC xəbər verir ki, turun açılış matçında “Atletiko Madrid” klubu doğma meydanda “Eibar” komandasını qəbul edib. Görüşün favoriti “Atletiko Madrid” sayılsa da, hesabı qonaqlar açıb. Qarşılaşmanın 87-ci dəqiqəsində Sergi Enriç fərqlənib. “Atletiko Madrid” oyunun 90-cı dəqiqəsində hesabı bərabərləşdirib, Qarces Moreno adını tabloya yazdırıb.

Madrid şəhərinin digər təmsilçisi “Real” səfərdə “Atletik Bilbao” klubunun qonağı olub. Bu oyun da heç-heçə - 1:1 ilə başa çatıb. Matçın 32-ci dəqiqəsində İker Munyainın qoluna 63-ci dəqiqədə İsko cavab verib. Beləliklə, “Kral” klubu İspaniya çempionatında ilk dəfə xal itkisi ilə üzləşib.

Turun digər iki oyunu belə nəticələnib:

“Real Sosyedad” – “Barselona” - 1:2

“Valensiya” – “Real Betis” - 0:0

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.