DÜNYA


İsveç və Finlandiyanın NATO-ya qəbulu haqqında protokol iyulun 5-də imzalanacaq

Bakı, 30 iyun, AZƏRTAC

NATO rəhbərliyi İsveç və Finlandiyanın alyansa daxil olması haqqında protokolu iyulun 5-də imzalayacaq.

AZƏRTAC xarici KİV-ə istinadla xəbər verir ki, bu barədə NATO-nun Baş katibi Yens Stoltenberq bildirib.

“Biz qəbul barədə protokolun rəsmi imzalanmasını çərşənbə axşamı günü Finlandiya və İsveç XİN başçılarının iştirakı ilə keçirəcəyik”, - Baş katib belə deyib. O, həmçinin qeyd edib ki, NATO liderləri bu ölkələri alyansa dəvət etmək qərarını iyunun 29-da, təşkilatın sammitində qəbul ediblər.

İyunun 28-də Türkiyə İsveç və Finlandiyanın NATO-ya dəvət edilməsinə qarşı etirazını geri götürüb.

İndi tərəflər qəbulun şərtlərini razılaşdırmalıdır. İsveç və Finlandiya alyansa o vaxt qəbul edilə bilər ki, NATO üzvü olan bütün ölkələrin parlamentləri bu qərarı ratifikasiya etsinlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.