DÜNYA


İzmir zəlzələsində ölənlərin sayı 116-ya çatıb

İstanbul, 14 noyabr, AZƏRTAC

Oktyabrın 30-da Türkiyənin İzmir vilayətində baş verən zəlzələ nəticəsində həlak olanların sayı 116-ya çatıb.

AZƏRTAC xəbər verir ki, bu barədə Türkiyə Daxili İşlər Nazirliyinin nəzdində fəaliyyət göstərən Fövqəladə Halların İdarə Olunması Agentliyindən (AFAD) bildirilib.

Məlumatda qeyd edilir ki, yeraltı təkanlar zamanı xəsarət alaraq xəstəxanaya yerləşdirilən vətəndaşlardan biri həyatını itirib. Hadisə zamanı yaralanan 1034 nəfərdən 8-nin müalicəsi davam etdirilir.

Xatırladaq ki, oktyabrın 30-da Türkiyənin İzmir vilayətində yerli vaxtla saat 14.51-də 6,6 bal gücündə zəlzələ baş verib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.