CƏMİYYƏT


Kiçik Qızılağac körfəzinə çəkikimi balıq körpələri buraxılıb

Bakı, 16 oktyabr, AZƏRTAC

Təbii su hövzələrində balıq populyasiyasının artırılması və balıq ehtiyatlarının qorunmasının vacibliyinin təşviqi məqsədilə Xəzər dənizinin Kiçik Qızılağac körfəzinə müxtəlif növ çəkikimi balıq körpələrinin növbəti buraxılışı həyata keçirilib.

Bioloji Müxtəlifliyin Qorunması Xidmətinin rəisi Firuddin Əliyev AZƏRTAC-a bildirib ki, tədbir zamanı Ekologiya və Təbii Sərvətlər Nazirliyinin balıqartırma müəssisələrində yetişdirilən 3 milyona yaxın çəkikimi balıq körpəsi Kiçik Qızılağac körfəzinə buraxılıb.

F.Əliyevin sözlərinə görə, sentyabr-oktyabr ayları ərzində Kiçik Qızılağac körfəzinə, Kür çayına, Göygöl, Maralgöl, Nohurqışlaq göllərinə, Mingəçevir, Şəmkir və Yenikənd su anbarlarına nərə, uzunburun, forel, çəki, qalınalın, ağ amur kimi balıq körpələrinin buraxılışı həyata keçirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.