REGİONLAR


Kiçik və orta sahibkarlığın inkişafına həsr edilmiş onlayn konfrans keçirilib

Naxçıvan, 21 may, AZƏRTAC

Muxtar respublikada kiçik və orta sahibkarlığın inkişafı üçün bütün zəruri şərait yaradılıb.

“Naxçıvan” Universitetindən AZƏRTAC-ın Naxçıvan bürosuna bildirilib ki, bu barədə universitetin İqtisadiyyat kafedrasının təşkilatçılığı ilə “Naxçıvan Muxtar Respublikasında kiçik və orta sahibkarlığın inkişafı: vəzifələr və perspektivlər” mövzusunda keçirilən onlayn konfransda ətraflı danışılıb.

Onlayn konfransda çıxış edən ali təhsil ocağının rektoru, filologiya üzrə fəlsəfə doktoru, dosent Nurlana Əliyeva bildirib ki, iqtisadiyyatın mühüm istiqamətlərindən biri də ailə təsərrüfatlarının formalaşması və gələcəkdə kiçik və orta sahibkarlıq subyektlərinə çevrilməsidir. Son dövrlərdə dövlət tərəfindən bu fəaliyyət sahəsinin stimullaşdırılması ilə bağlı atılan addımlar muxtar respublikada ailə təsərrüfatlarının artmasına şərait yaradıb. Bu gün muxtar respublikada ailə təsərrüfatlarının inkişafı istiqamətində ardıcıl tədbirlər görülür. Naxçıvan Muxtar Respublikası Ali Məclisi Sədrinin 2017-ci il 22 noyabr tarixli Sərəncamı ilə təsdiq edilmiş “Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planı”nın icrası bu baxımdan mühüm əhəmiyyətə malik olub. Ailə təsərrüfatlarının biznes planları tərtib olunub, onlara güzəştli şərtlərlə kreditlər və müxtəlif təyinatlı kənd təsərrüfatı texnikaları verilib.

Daha sonra İqtisadiyyat Nazirliyinin əməkdaşı Seymur Cəfərovun “Naxçıvan Muxtar Respublikasında ailə kəndli təsərrüfatının inkişafının müasir vəziyyəti və inkişaf perspektivləri”, “Naxçıvan” Universitetinin İqtisadiyyat kafedrasının müdiri, dosent Dilsuz Qasımovun “Aqrar islahatlar və ailə kəndli təsərrüfatlarının yaranmasının iqtisadi inkişafı və özünüməşğulluğun təmin olunmasındakı rolu” və universitetin “İqtisadiyyat” ixtisası üzrə II kurs tələbəsi Coşqun Hüseynovun “Ailə təsərrüfatlarının məhsul istehsalında dövlət dəstəyi əsas şərtdir” mövzusunda çıxışları dinlənilib.

Sonda konfrans iştirakçılarının sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.