DÜNYA


Kim Çen Inın otel xərclərini Sinqapur hökuməti ödəyib

Bakı, 11 iyun, AZƏRTAC

Sinqapurun xarici işlər naziri Vivian Balakrişnan iyunun 11-də Britaniyanın BBC telekanalına müsahibəsində ölkəsinin Kim Çen In və KXDR nümayəndə heyətinin “St. Regis” otelində qalma xərclərini ödədiyinə işarə edib.

AZƏRTAC bu barədə TASS informasiya agentliyinə istinadla xəbər verir.

“Biz öz qonaqpərvərliyimizi nümayiş etdirdik və Kim Çen In bildirdi ki, sammitdən asılı olmayaraq məmnuniyyətlə Sinqapura gələrdi”, - deyə Balakrişnan hökumətin otel xərclərini ödəməsi barədə jurnalistin sualına yayınaraq cavab verib. “Biz istənilən vəziyyətdə qonaqpərvərliyimizi göstərərdik və bu xərclər istənilən halda büdcə çərçivəsinə salınıb”, - deyə o əlavə edib.

Bir qədər əvvəl Sinqapurun Baş naziri Li Syan Lun ABŞ Prezidenti Donald Tramp və KXDR lideri Kim Çen Inın iştirakı ilə keçiriləcək sammitin təşkilinə təxminən 20 milyon Sinqapur dolları (14,9 milyon ABŞ dollarına yaxın) ayrıldığını bildirib.

Xatırladaq ki, ABŞ Prezidenti Donald Tramp və KXDR lideri Kim Çen In arasında tarixi görüş iyunun 12-də Sinqapurun Sentosa adasındakı “Capella” mehmanxanasında keçiriləcək. Hər iki ölkə lideri artıq Sinqapura gəlib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.