CƏMİYYƏT


Kür çayının Qıraqkəsəmən məntəqəsində suyun səviyyəsi 53 santimetr azalıb

Bakı, 11 may, AZƏRTAC

Mayın 11-də Lənkəran-Astara bölgəsindən axan Viləşçay-Şıxlar məntəqəsində suyun səviyyəsi dəyişməyib. Suyun səviyyəsi Lənkərançay-Sifidorda 30, Təngərüdçay-Vaqoda 25, o cümlədən Kiçik Qafqazın ərazisindən axan Gəncəçay-Zurnabadda 14, Şəmkirçay-Qalakənddə 3 santimetr artıb, Kürəkçay-Çaykənd məntəqəsində dəyişməyib. Zəyəmçay-Ağbaşlar məntəqəsində 5, Böyük Qafqazın ərazisindən axan Vəlvələçay-Təngəaltıda 2, Qusarçay-Kuzun məntəqəsində isə 3 santimetr azalıb.

Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, Kür çayının Qıraqkəsəmən məntəqəsində suyun səviyyəsində 53 santimetr azalma qeydə alınıb. Hazırda məntəqədə su sərfi 630 kubmetr/saniyə təşkil edir ki, bu da ongünlük normanın 84 faizinə bərabərdir. Hazırda sululuq keçən il ilə müqayisədə 48 faiz çoxdur.

Qanıx çayının Cəlayir məntəqəsində suyun səviyyəsində 8 santimetr artım müşahidə olunub. Hazırda məntəqədə su sərfi saniyədə 361 kubmetrə bərabərdir. Bu da ongünlük normanın 178 faizini təşkil edir. Hazırda sululuq keçən il ilə müqayisədə 58 faiz çoxdur.

Kür-Surra məntəqəsində suyun səviyyəsi 50 santimetr artaraq 520 santimetr, su sərfi isə saniyədə 289 kubmetr olub. Məntəqədə orta su sərfi mayın 10-da 247 kubmetr/saniyə, maksimal su sərfi saat 20:00-da saniyədə 267 kubmetr təşkil edib.

Kür-Şirvanda suyun səviyyəsi 64 santimetr artaraq 259 santimetr olub. Məntəqədə orta səviyyə mayın 10-da 215 santimetr, maksimal səviyyə isə saat 20:00-da 235 santimetr təşkil edib.

Kür-Bankədə suyun səviyyəsi 2 santimetr artaraq 120 santimetr, su sərfi 40,7 kubmetr/saniyə olub. Məntəqədə orta su sərfi mayın 10-da 58,6 kubmetr/saniyə, maksimal su sərfi saat 08:00-da saniyədə 58,8 kubmetr edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.