Lənkəran Dövlət Dram Teatrının aktrisaları respublika bədii qiraət müsabiqəsinin mükafatlarına layiq görülüb

Lənkəran, 1 may, Bağır Əliyev, AZƏRTAC

Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə “Nizami Gəncəvi ili” çərçivəsində keçirilən Respublika “Sənsiz” bədii qiraət müsabiqəsində Lənkəran Dövlət Dram Teatrının iki aktrisası uğurla çıxış edib.

AZƏRTAC-ın bölgə müxbiri xəbər verir ki, A.M.Şərifzadə adına Aktyor Evində keçirilən sənət yarışmasında Lənkəran Dövlət Dram Teatrının aktrisaları Gülər Kərimova və Vəfa Hacızadə də öz yaradıcılıq imkanlarını nümayiş etdiriblər. Münsiflər heyətinin qərarı ilə G.Kərimova diplom və pul mükafatı, V.Hacızadə isə diplomla təltif olunub.