Lənkəranda xüsusi karantin rejimini pozanlar cərimələnib

Lənkəran, 15 fevral, Bağır Əliyev, AZƏRTAC

COVID-19 pandemiyasına qarşı mübarizə məqsədilə xüsusi karantin rejimi qaydalarının təmin olunması istiqamətində Lənkəran Rayon Polis Şöbəsinin əməkdaşları tərəfindən tədbirlər davam etdirilir.

Daxili İşlər Nazirliyinin Mətbuat Xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, polis əməkdaşları tərəfindən keçirilən növbəti tədbirlər zamanı Lənkəran şəhəri ərazisində xüsusi karantin rejimi qaydalarının pozulduğu çay və kofe xidmətlərinin göstərildiyi “Coffee shop” iaşə obyekti və 2 oyun salonu aşkar edilib.

Həmin obyektlərlə bağlı 6 nəfər barəsində İnzibati Xətalar Məcəlləsinin müvafiq maddəsinə əsasən protokol tərtib edilib və onlar cərimə olunublar.