DÜNYA


Makedoniyanın adının dəyişdirilməsi məsələsi bu il həllini tapa bilər

Afina, 13 yanvar, AZƏRTAC

Makedoniyanın Baş naziri Zoran Zaev Yunanıstanın “Alfa” televiziya kanalına müsahibəsində ölkəsinin adı ilə bağlı Yunanıstanla davam edən anlaşılmazlığın bu ilin birinci yarısında həll oluna biləcəyini qeyd edib. Onun fikrincə, ölkənin adını dəyişdirmək üçün cəmiyyətin, müxalifətin dəstəyini qazanmaq lazımdır.

Baş nazir bu məsələdə müxalifətin müsbət rəyinə inanır. O, dost niyyətini göstərmək üçün “Böyük Aleksandr” adını daşıyan Skopye aeroportunun adının dəyişdirilməsini də müzakirə edə bilər. Eyni zamanda, Baş nazir ölkəsini Avropa İttifaqının və NATO-nun üzvü görmək arzusundadır.

Qeyd edək ki, yanvarın 17-18-də NATO-nun baş katibi Yens Stoltenberqin Skopyeyə rəsmi səfəri planlaşdırılıb. Səfər zamanı Makedoniyanın siyasi və hökumət rəhbərliyi ilə görüşlər keçiriləcək. Yanvarın 19-da isə Nyu-Yorkda BMT-nin baş katibinin xüsusi nümayəndəsi Metyu Nimitsin vasitəçiliyi ilə Makedoniyanın adına dair danışıqlar başlanacaq.

İqbal Hacıyev

AZƏRTAC-ın xüsusi müxbiri

Afina

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.