REGİONLAR


Masallıda gecə saatlarında avtoxuliqanlıq edən şəxs həbs edilib

Masallı, 30 iyul, Bağır Əliyev, AZƏRTAC

Masallı Rayon Polis Şöbəsinin dövlət yol polisi bölməsinin əməkdaşları gecə saatlarında şəhər ərazisində yol hərəkəti qaydalarını kobud şəkildə pozaraq cəmiyyətə qarşı açıq hörmətsizlik edən, eləcə də piyadalara və yol hərəkəti iştirakçılarına ciddi təhlükə yaradan sürücünü saxlayaraq barəsində qanunvericiliyə uyğun tədbirlər görüblər.

Daxili İşlər Nazirliyinin mətbuat xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, polis əməkdaşları tərəfindən saxlanıldıqdan sonra həmin sürücünün Neftçala rayon sakini S.Kərimov olduğu müəyyən edilib.

Tanışına məxsus “VAZ 2115” markalı avtomobillə avtoxuliqanlıq edən, yol hərəkəti qaydalarını kobud şəkildə pozan həmin şəxs barəsində inzibati qaydada protokol tərtib olunaraq, baxılması üçün Masallı Rayon Məhkəməsinə göndərilib.

Məhkəmənin qərarı ilə S.Kərimov sürücülük hüququ bir il məhdudlaşdırılmaqla 15 gün müddətinə inzibati qaydada həbs edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.