CƏMİYYƏT


Məcburi köçkünlərin məskunlaşdıqları binada baş verən yanğında xəsarət alanların səhhəti normaldır

Bakı, 10 aprel, AZƏRTAC

Aprelin 10-da paytaxtın Babək prospektində yerləşən məcburi köçkünlərin məskunlaşdıqları binada baş verən yanğın zamanı xəsarət alanlara ilkin tibbi yardım göstərilib.

Səhiyyə Nazirliyinin mətbuat xidmətindən AZƏRTAC-a verilən məlumata görə, ümumilikdə 8 nəfər Təcili Tibbi Yardım Stansiyasına müraciət edib. Xəsarət alanlardan 2 kişi, 3 qadın və 1 uşağa yerində tibbi yardım göstərilib. Hadisə zamanı qorxaraq özünü binanın üçüncü mərtəbəsindən atan məcburi köçkün Sabunçu rayonundakı 3 saylı şəhər klinik xəstəxanasının travmatologiya şöbəsinə yerləşdirilib. Ona bədənin müxtəlif nahiyələrinin əziyi diaqnozu qoyulub və hazırda vəziyyəti orta-ağırdır.

Xəsarət alanlardan 1 nəfəri isə toksikologiya şöbəsinə yerləşdirilib, tibbi yardım göstərilib. Hazırda vəziyyəti yaxşıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.