DÜNYA


Mədinə İslam Universiteti Ginnesin Rekordlar Kitabına düşüb

Qahirə, 24 iyun, AZƏRTAC

Səudiyyə Ərəbistanındakı Mədinə İslam Universiteti bu ali təhsil ocağında təhsil alan gənclərin milli mənsubiyyətinin sayına görə Ginnesin Rekordlar Kitabına düşüb.

AZƏRTAC xəbər verir ki, Mədinə İslam Universitetində 170 millətin nümayəndəsi təhsil alır. İlahiyyat üzrə ixtisaslaşmış bu ali təhsil müəssisəsindəki 9 fakültədə 20 min tələbə təhsil alır və onların böyük bir hissəsi əcnəbi gənclərdir. Səudiyyə Ərəbistanı hökuməti onların təhsil, yataqxana və nəqliyyat xərclərini ödəyir.

Ginnesin Rekordlar Kitabının sertifikatını universitet rəhbərliyinə Kitabların Nəşri üzrə Yaxın Şərq Agentliyinin sədri Talal Ömər təqdim edib.

 

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.