SİYASƏT


Mərakeş nəşri Dağlıq Qarabağ münaqişəsi barədə yazır

Rabat, 15 oktyabr, AZƏRTAC 

Mərakeşin “Akhbarona” elektron nəşrində AZƏRTAC-ın müxbirinin “Azərbaycan və Ermənistan arasında müharibə niyə başladı?” sərlövhəli məqaləsi dərc edilib. Məqalədə Dağlıq Qarabağ münaqişəsinin tarixindən və mahiyyətindən, Dağlıq Qarabağda təmas xəttində şiddətli döyüş əməliyyatlarının yenidən başlanmasının səbəblərindən bəhs edilir (bax: https://www.akhbarona.com/world/311419.html).

AZƏRTAC xəbər verir ki, məqalədə Ermənistan-Azərbaycan Dağlıq Qarabağ münaqişəsi nəticəsində Ermənistan tərəfindən Azərbaycan ərazilərinin 20 faizinin işğal edilməsi, 1 milyondan çox azərbaycanlının qaçqın və məcburi köçkün vəziyyətinə düşməsi qeyd olunur.

Mərakeşli oxucuların diqqətinə çatdırılır ki, işğal edilmiş ərazilər tamamilə talanıb və etnik təmizləməyə məruz qalıb. Ermənistan bütün mədəniyyət abidələrini, o cümlədən məscidləri, islam abidələrini və qəbiristanlıqları məhv edib. İşğal olunmuş ərazilərdəki məscidlər dağıdılır və murdarlanır, içərisində donuz və inək saxlanılır. Bu, insanlığa və dinə hörmətsizliyi sübut edir.

Təəssüflə qeyd etmək lazımdır ki, münaqişənin davam etməsinin bir səbəbi də BMT Təhlükəsizlik Şurasının qəbul etdiyi, Ermənistan qoşunlarının Azərbaycan ərazilərindən çıxarılmasını tələbinin təsbit olunduğu dörd qətnamənin yerinə yetirilməsi üçün beynəlxalq vasitəçilər tərəfindən Ermənistana təzyiq göstərilməməsidir.

Materialda bildirilir ki, 2020-ci sentyabrın 27-də Ermənistan Azərbaycanın Dağlıq Qarabağda təmas xəttində yerləşən yaşayış məntəqələrini minomyotlardan və iriçaplı silahlardan atəşə tutmaqla növbəti dəfə Azərbaycana qarşı təhrikçilik etdi. Nəticədə Azərbaycan əks-hücum əməliyyatına keçərək, öz torpaqlarını azad etməyə başladı.

Hazırda Azərbaycan torpaqlarında müharibə davam edir. Azərbaycan əsgəri öz Vətəni uğrunda və işğal olunmuş torpaqlarının qaytarılması uğrunda vuruşur.

Mərakeş qəzeti yazır ki, Azərbaycan öz sərhədləri hüdudlarından kənara çıxmayan və bir qarış belə öz torpağını güzəştə getməyən dinc ölkədir.

Nigar Cəfərli

AZƏRTAC-ın xüsusi müxbiri

Rabat

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.