CƏMİYYƏT


Meyvə-tərəvəzlər uşaq orqanizminin vitaminlərlə təmin olunmasında mühüm rol oynayır

Bakı, 6 iyul, AZƏRTAC

Uşaqların sağlam böyüməsi üçün ilk növbədə onların qida rasionuna fikir vermək lazımdır. Körpələrin doğulduğu gündən ilk altı aya qədər ana südü qəbul etməsi vacibdir. Lakin həmin müddətdən sonra mütləq onlara əlavə qidalar verilməlidir.

Paytaxtdakı 20 nömrəli uşaq poliklinikasının həkim-pediatrı Hafizə Məmmədova AZƏRTAC-a deyib: “Alma, armud, ərik, şaftalı və digər meyvələr uşaqların sağlam böyüməsində mühüm rol oynayır. Həmin meyvələrin tərkibində olan maddələr onların vitaminlərə olan tələbatını ödəyir. Armud A, B, S vitaminləri ilə zəngindir, zehni yorğunluğu aradan qaldırır, mədə-bağırsaq həzmini yaxşılaşdırır. Lifli meyvələrlə qidalanmaq qəbizliyin yaranmasına səbəb olmur.

Meyvələrdən başqa tərəvəzlər də qida rasionunda əhəmiyyətli rol oynayır. Kələm, kök, kartof və digər tərəvəzlər çox faydalıdır. Yerli meyvə və tərəvəzlər vitaminlərlə daha zəngindir. Xüsusilə balqabağın müxtəlif cür istifadəsi uşaqların sağlamlığında çox mühüm əhəmiyyət kəsb edir”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.