DÜNYA


Miloş Zeman: Corc Buş (ata) Çexiyanı yenidən Avropa ailəsinə bəxş edib

Praqa, 3 dekabr, AZƏRTAC

Çexiya Prezidenti Miloş Zeman ABŞ-ın 41-ci Prezidenti Corc Buşun vəfatı ilə bağlı Birləşmiş Ştatların dövlət başçısı Donald Trampa başsağlığı məktubu göndərib.

AZƏRTAC Çexiya Prezidenti dəftərxanasının yaydığı məlumata istinadla bildirir ki, Zeman ABŞ-ın mərhum Prezidentini görkəmli diplomat, dövlət xadimi və gözəl insan kimi xarakterizə edib.

Çexiya Prezidentinin məktubunda deyilir: “O, soyuq müharibənin başa çatmasında, ən əsası isə “dəmir pərdə”nin və sosialist blokunun süquta uğramasında böyük rol oynayıb. Corc Buş (ata) “məxməri” inqilabdan sonra Praqaya səfər edən ilk amerikan Prezidenti olub. O, özü ilə bizim, heç şübhəsiz ki, həmişə mənsub olduğumuz Avropa ailəsinə qayıtmağımıza kömək edən yeni enerji, böyük ümidlər və gələcəyə inam gətirib”.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.