ELM VƏ TƏHSİL


Mirzə Kazımbəyin 220 illiyinə həsr olunan konfransa tezis qəbulu aparılır

Bakı, 20 iyun, AZƏRTAC

Görkəmli şərqşünas və maarifçi, Rusiya Elmlər Akademiyasının ilk azərbaycanlı üzvü və rus şərqşünaslıq elminin banilərindən biri, Britaniya Kral Şərqşünaslar Cəmiyyətinin üzvü, Peterburq Universitetinin Şərq dilləri fakültəsinin ilk dekanı Mirzə Kazımbəyin anadan olmasının 220 illiyi ilə əlaqədar keçiriləcək beynəlxalq elmi konfransa tezis qəbulu davam edir.

Bu barədə AZƏRTAC-a AMEA-nın akademik Ziya Bünyadov adına Şərqşünaslıq İnstitutundan məlumat verilib. Bildirilib ki, Şərqşünaslıq İnstitutu tərəfindən sentyabrın 20-də keçiriləcək “Mirzə Kazımbəy – 220” mövzusunda konfransda iştirak etmək istəyənlər tezisləri [email protected] elektron ünvanına göndərməlidirlər. Beynəlxalq konfransa tezislər Azərbaycan, türk, rus, ingilis, ərəb və fars dillərində iyulun 30-dək qəbul edilir.

Təşkilat Komitəsi tezislərin seçilməsi, mətndə düzəlişlər edilməsi və tezislərin geri qaytarılması hüququna malikdir. Tezislərin qəbulu ilə bağlı daha ətraflı məlumat Şərqşünaslıq İnstitutunun saytında yerləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.