Bakı, 31 avqust, AZƏRTAC

Somalinin paytaxtı Moqadişoda prezident iqamətgahının qarşısında törədilən partlayış nəticəsində həlak olanların sayı 22 nəfərə çatıb, 50 nəfər isə müxtəlif dərəcəli xəsarətlər alıb.

AZƏRTAC xarici KİV-lərə istinadla xəbər verir ki, avqustun 30-da Somalinin paytaxtı Moqadişo şəhərində yerləşən prezident iqamətgahının qarşısında bomba yüklənmiş avtomobil partladılıb. İnsidentin baş verdiyi əraziyə yaxın olan iki hotel binası qismən dağılıb. Partlayışın ardından atışma səsləri eşidilib.

Hadisənin məsuliyyətinin ölkədə fəaliyyət göstərən “Əş-Şəbab” qruplaşmasının öz üzərinə götürdüyü bildirilir.