CƏMİYYƏT


Muxtar Babayev: İyunun 1-dən 15-dək 650 min ağacla bağlı monitorinq aparılacaq

Bakı, 21 may, AZƏRTAC

Ötən il Azərbaycan Respublikasının Birinci vitse-prezidenti Mehriban Əliyevanın təşəbbüsü ilə dahi şair İmadəddin Nəsiminin 650 illiyi ilə bağlı böyük ağacəkmə aksiyası keçirildi. Dekabrın 6-da keçirilən ağacəkmə aksiyası zamanı bir gündə respublikanın bütün bölgələrində 650 min ağac əkildi. Əkilən ağaclarla bağlı iyunun 1-dən 15-nə qədər bütün bölgələrdə monitorinqlər aparılacaq. Monitorinqdə Ekologiya və Təbii Sərvətlər Nazirliyi ilə yanaşı, Yeni Azərbaycan Partiyasının da nümayəndələri iştirak edəcəklər.

AZƏRTAC xəbər verir ki, bunu Ekologiya və Təbii Sərvətlər naziri Muxtar Babayev Operativ Qərargahın mayın 21-də keçirilən brifinqində deyib.

Nazirin sözlərinə görə, 15 gün ərzində bütün yaşıllaşdırma aparılan yerlərin monitorinqi keçiriləcək və ictimaiyyətə məlumat veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.