DÜNYA


NİNO BURCANADZE GÜRCÜSTANIN DÖVLƏT NAZİRİ İLƏ ACARISTAN RƏHBƏRİ ARASINDAKI DANIŞIQLARI “İRƏLİYƏ DOĞRU ADDIM” ADLANDIRMIŞDIR

AZƏRTAC-ın müxbirinin Tbilisidən verdiyi xəbərə görə, Gürcüstan prezidentinin vəzifələrini icra edən Nino Burcanadze Batumidə Gürcüstanın dövlət naziri Zurab Jvaniya ilə Acarıstan Muxtar Respublikasının başçısı Aslan Abaşidze arasındakı danışıqları “irəliyə doğru addım” adlandırmışdır. O, jurnalistlərlə söhbətində bildirmişdir ki, “bu danışıqlar mərkəzlə region arasında münasibətlərdə konsensusun əsası ola bilər”. Burcanadze “Tbilisi ilə Batumi arasında münasibətlərdə mövcud problemləri həll etmək üçün əlavə məsləhətləşmələr” tələb olunduğunu istisna etməmişdir.

Jvaniya Tbilisidə bəyan etmişdir ki, “Batumidə danışıqlar təkcə yanvarın 4-də keçiriləcək prezident seçkilərində Acarıstanın iştirakı məsələsində deyil, həm də mərkəzlə region arasında gərginliyin aradan qaldırılması yolunda ciddi addım olmuşdur”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.