CƏMİYYƏT


Naftalanda şimal-qərb küləyinin sürəti saniyədə 26 metrə çatıb

Bakı, 22 aprel, AZƏRTAC

Milli Hidrometeorologiya Xidmətinin aprelin 22-si saat 12:00-a verdiyi məlumata əsasən, ölkə ərazisində hava şəraiti əsasən yağmursuz keçib, lakin aprelin 21-i gündüzdən etibarən bəzi yerlərdə şimşək çaxıb, yağış yağıb.

Xidmətdən AZƏRTAC-a bildiriblər ki, düşən yağıntının miqdarı Sarıbaş (Qax), Ağdərədə (Ordubad) 6, Balakən, Gədəbəydə 5, Tovuzda 4, Kişçay (Şəki), Qusar, Şəmkirdə 3, Astara, Zaqatala, Ceyrançöldə 2, Daşkəsən, Naxçıvan, Şahbuz, Naftalan, Gəncə, Ağstafa, Yevlax, Göyçay, Yardımlı, Lənkəran, Şahdağ, Xınalıqda 1 millimetrədək olub.

Şimal-qərb küləyi əsib, arabir Naftalanda 26, Şəkidə 25, Daşkəsəndə 23, Zaqatalada 22, Balakən, Ağstafa, Gəncədə 20, Mingəçevirdə 19, Ələt, Biləsuvar, Yevlax, Göygöldə 18, Şabran, Tərtər, Tovuzda 16, Bayıl yamacında 27, Bakıda 25, Qum adasında 23, Sumqayıt, Maştağada 20, Pirallahı, Binədə 19, Neft Daşlarında 17, Çilov adasında 16 metr/saniyəyədək güclənib. Neft Daşları meteoroloji stansiyasının məlumatına əsasən, Xəzər dənizində dalğanın hündürlüyü 2.6 metrə çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.