DÜNYA


Nazir: Qətər illik təbii qaz istehsalını 110 milyon tona çatdıracaq

Bakı, 3 dekabr, AZƏRTAC

Qətər illik təbii qaz hasilatını 110 milyon tona çatdırmaq niyyətindədir.

AZƏRTAC xarici KİV-lərə istinadla xəbər verir ki, bu barədə Qətərin energetika naziri Saad al-Kaabi deyib.

“Qətərin illik 77 milyon tonluq təbii qaz istehsalını qarşıdakı illərdə 110 milyon tona çatdırmaq planı var”, - deyə nazir bildirib. O əlavə edib ki, ölkəsinin Neft İxrac Edən Ölkələr Təşkilatına (OPEC) üzvlükdən çıxması da bununla əlaqədardır: “OPEC-dən çıxmaq texniki və strateji qərardır. Buna baxmayaraq, Qətər digər ölkələr kimi neft alıb satmaqda davam edəcək”.

Qeyd edək ki, Qətər 57 ildir üzv olduğu OPEC-dən gələn il yanvarın 1-dən etibarən çıxacaq. 15 üzv ölkəsi olan OPEC Səudiyyə Ərəbistanı, İran, Küveyt, İraq və Venesuela tərəfindən 1960-cı ildə yaradılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.