MƏDƏNİYYƏT


Niderlandda səfirliyimizin təşəbbüsü ilə “Nizami Gəncəvi” poçt markaları nəşr edilib

Haaqa, 23 aprel, AZƏRTAC

Niderland Krallığındakı səfirliyimizin təşəbbüsü ilə Azərbaycanın böyük şairi və filosofu Nizami Gəncəvinin adına poçt markası nəşr olunub.

AZƏRTAC xəbər verir ki, səfirliyimizin bu təşəbbüsü Nizami Gəncəvinin 880 illiyi çərçivəsində təşkil edilib. Poçt markası üzərində dahi şairimiz Nizami Gəncəvinin şəkli ilə bərabər “Nizami Ganjavi - 880” sözləri yazılıb.

Prezident İlham Əliyev qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının bəşər mədəniyyətinin nailiyyəti kimi müstəsna əhəmiyyətini nəzərə alaraq, 2021-ci ilin “Nizami Gəncəvi İli” elan edilməsi haqqında imzaladığı Sərəncama uyğun olaraq, Niderlanddakı səfirliyimiz Azərbaycan şairi və mütəfəkkirinin bu ölkədə daha yaxından tanıdılması və təşviqi məqsədilə poçt markaları hazırlayıb.

Şəhla Ağalarova

AZƏRTAC-ın xüsusi müxbiri

Haaqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.