AZƏRTAC xəbər verir ki, oktyabrın 16-da ölkə futbol kuboku uğrunda yarışların onaltıdabir final mərhələsinin cavab oyunları keçirilmişdir.

Nəticələr belədir: “Neftçi”-“Bakı-2”-5:0, “İnter”-“Neftçi-2”-4:0, “Simurq”-“Arsenal”-4:0, “Bakılı”-“Qarabağ-2”-0:0, “Gilan”-“Şahdağ-Quba”-6:0, “Energetik”-“MKT-Araz-2”-0:1, “Gənclər birliyi”-“Karvan-2”-6:0.

Keçirdikləri iki oyunun nəticəsinə görə “Neftçi”, “İnter”, “Simurq”, “Bakılı”, “Gənclər birliyi”, “Gilan” və “MKT-Araz-2” komandaları yarışların səkkizdəbir final mərhələsinə vəsiqə qazanmışlar. Bu mərhələdə ilk oyunlar noyabrın 20-21-də, cavab oyunları isə dekabrın 2-3-də olacaqdır.