Daşkənd Dünya İqtisadiyyatı və Diplomatiya Universitetində özbəkcə-ingiliscə və ingiliscə-özbəkcə ilk elektron lüğətin təqdimat mərasimi olmuşdur. Lüğətin əsas mövzuları diplomatiya, beynəlxalq iqtisadiyyat, təhsil, mədəniyyət və turizm sahələridir.

AZƏRTAC-ın Özbəkistan Milli İnformasiya Agentliyindən aldığı xəbərə görə, virtual nəşrin həcmi 40 mindən çox lüğət məqaləsindən ibarətdir və burada nəinki sözlərin, söz birləşmələrinin, frazeoloji ifadələrin tərcüməsi, onların sinonimləri və işlətmə nümunələri, həm də bütün lazımi qrammatik məlumat verilir.