İDMAN


Odina Əliyeva: Dünya çempionatında sonuncu oyunu qələbə ilə başa vurmağa çalışacağıq

Tokio, 10 oktyabr, AZƏRTAC 

Bugünkü oyunda qalib gəlməyə çalışsaq da, çoxlu səhvə yol verdik. Dünya çempionatında sabah keçirəcəyimiz sonuncu oyunu qələbə ilə başa vurmağa çalışacağıq.

AZƏRTAC xəbər verir ki, bu fikri Türkiyə yığması ilə oyunu şərh edən Azərbaycan millisinin kapitanı Odina Əliyeva söyləyib.

Azərbaycan komandasının baş məşqçisinin köməkçisi Famil Ağayev də Türkiyə yığmasının çox yaxşı oyun göstərdiyini deyib: “Fikrimcə, biz də yaxşı oynadıq. Xüsusən birinci və üçüncü setləri qeyd etmək istərdim. Lakin qızlarımız çoxlu səhvə yol verdilər. Sabahkı oyuna daha yaxşı hazırlaşmalıyıq. Çünki bu, dünya çempionatında bizim sonuncu oyunumuz olacaq”.

Xatırladaq ki, oktyabrın 10-da Türkiyə komandası ilə qarşılaşan millimiz gərgin mübarizə nəticəsində 3:1 hesabı ilə məğlub olub.

Oktyabrın 11-də komandamız son oyunu Bolqarıstan millisinə qarşı keçirəcək. Oyun Bakı vaxtı ilə saat 5:40-da başlayacaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.