RF Dövlət Duması Mixail Mişustinin hökumətin sədri vəzifəsinə namizədliyini müzakirə edir
Moskva, 10 may, AZƏRTAC
Rusiya Federasiyasının Dövlət Duması Mixail Mişustinin hökumətin sədri vəzifəsinə namizədliyini müzakirə edir.
AZƏRTAC xəbər verir ki, Rusiya Prezidenti Vladimir Putin Dövlət Dumasına Mixail Mişustinin ölkə hökumətinin sədri vəzifəsinə təyin edilməsi ilə bağlı təqdimat göndərib.
Hökumət sədrinin namizədliyinin müzakirəsi parlamentin bütün fraksiyalarında aparılacaq və Moskva vaxtı ilə saat 14:00-da Dövlət Dumasının bu məsələ ilə bağlı plenar iclası başlayacaq.
Mixail Mişustin 2020-ci ilin yanvar ayında Dmitri Medvedevin istefasından sonra RF Hökumətinin sədri vəzifəsinə təyin edilib. Yenidən Prezident seçilən Vladimir Putinin inauqurasiyasından sonra onun rəhbərlik etdiyi kabinet mayın 7-də tam tərkibdə istefa verib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
