CƏMİYYƏT


Ölkə ərazisində yağıntılı hava şəraiti aprelin 9-dək davam edəcək

Bakı, 6 aprel, AZƏRTAC

Milli Hidrometeorologiya Xidmətinin məlumatına əsasən aprelin 6-sı səhər saatlarından başlayaraq ölkə ərazisində hava şəraiti dəyişib, bəzi yerlərdə şimal-qərb küləyi güclənib, əksər rayonlarda yağış yağıb.

Xidmətdən AZƏRTAC-a bildiriblər ki, küləyin maksimal sürəti Bakı, Xaçmaz və Sumqayıtda 22, Binə, Ələtdə 20, Zabrat, Maştağada 18, Pirallahıda 15, Neft Daşlarında 17 metr/saniyəyədək güclənib. Küləkli hava şəraiti aprelin 7-si səhərədək davam edəcək.

Sarıbaş (Qax), Naxçıvan, Şərur, Şahbuz, Daşkəsən, Göygöl, Gəncə, Şəmkir, Balakən, Şəki, Biləsuvar və Kişçayda (Şəki) yağış yağıb.

Ölkə ərazisində yağıntılı hava şəraitinin aprelin 9-dək davam edəcəyi, bəzi yerlərdə yağış, dağlıq ərazilərdə qar yağacağı, ayrı-ayrı yerlərdə intensiv olacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.