DÜNYA


Özbəkistanda hər ayın birinci bazar günü humanizm günü kimi qeyd ediləcək

Daşkənd, 7 noyabr, АZƏRTAC

Özbəkistandakı Din İşləri üzrə Komitə hər ayın birinci bazar gününü ölkədə humanizm günü kimi qeyd edəcək.

AZƏRTAC xəbər verir ki, bu günlə bağlı komitə 250 gözdən əlilə Səudiyyə Ərəbistanında brayl əlifbası ilə çap edilən “Qurani-Kərim” bağışlayıb.

Komitədən bildiriblər ki, bundan əlavə gözdən əlillər üçün müxtəlif ədəbiyyat, brayl əlifbası ilə yazılan dini kitablar, audiokitablar buraxılması nəzərdə tutulur.

Digər kateqoriyadan olan məhdud imkanlı insanların internetdən istifadə edə bilməsi üçün də şərait yaradılacaq.

Məlumatda qeyd olunur ki, Özbəkistanda 23 min eşitmə və danışma problemi olan insan var. Ölkədə surdotərcüməçilərin sayı isə cəmi 50 nəfərdir. Gələcəkdə azı 300 belə tərcüməçi hazırlanması da nəzərdə tutulur, onlar məscidlərdə də fəaliyyət göstərəcək.

Bildirilir ki, bu sahədəki problemlərin qısa zamanda həlli üçün xüsusi plan da hazırlanıb.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.