İQTİSADİYYAT


Polşa şirkətləri ixrac missiyası ilə Azərbaycana səfər edəcək

Varşava, 31 oktyabr, AZƏRTAC

Noyabrın 5-dən 8-dək Polşa şirkətləri ixrac missiyası ilə Azərbaycanda səfərdə olacaqdır.

AZƏRTAC xəbər verir ki, Polşanın kosmetika, parfümeriya, ayaqqabı və stomatoloji məhsullar üzrə fəaliyyət göstərən şirkətləri çoxsaylı görüşlər keçirəcək, həmçinin Polşa İnvestisiya və Ticarət Agentliyinin Bakıdakı Ticarət Nümayəndəliyində “Azərbaycanda biznesin aparılması” adlı seminarda iştirak edəcəkdir.

İxrac missiyasında Polşanın “Conhpol”, “Olident”, “Reve de Chantelle” və “Natural Aromas” şirkətləri öz təkliflərini azərbaycanlı tərəfdaşlarına təqdim edəcəklər.

Qeyd edək ki, ixrac missiyasının səfəri PİTA-nın Bakıdakı Ticarət Nümayəndəliyi və Malopolska Regional İnkişaf Agentliyinin dəstəyi ilə həyata keçiriləcək.

 

Aygün Əliyeva

AZƏRTAC-ın xüsusi müxbiri

Varşava

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.