Praktik gecə təlimi: Bağlı qapı arxasında “köməksiz vəziyyətdə qalmış vətəndaşlar” xilas olunub VİDEO

Bakı, 14 mart, AZƏRTAC

Fövqəladə Hallar Nazirliyinin (FHN) Cənub Regional Mərkəzi “Bağlı qapı arxasında köməksiz vəziyyətdə qalmış vətəndaşların xilas edilməsi” mövzusunda praktiki gecə təlimi keçirib.

Nazirliyin mətbuat xidmətindən AZƏRTAC-a bildirilib ki, təlim Regional Mərkəzin şəxsi heyətinin döyüş və peşə hazırlığı səviyyəsinin daha da yüksəldilməsi, müxtəlif ekstremal şəraitlərdə, o cümlədən gecə vaxtı baş verən fövqəladə hallar zamanı çevik reaksiya vərdişlərinin təkmilləşdirilməsi məqsədilə keçirilib.

Təlim zamanı xilasedicilər vətəndaşların bağlı qapı arxasında köməksiz vəziyyətdə qalması barədə şərti çağırış üzrə dərhal hadisə yerinə çatıb, xüsusi alət və avadanlıqlar vasitəsilə bağlı qapını açaraq “halsız vəziyyətdə olan vətəndaşı xilas edib, həmçinin aşkar olunmuş meyiti aidiyyəti üzrə təhvil veriblər”.

Uğurla keçirilmiş təlimdən sonra əldə edilmiş nəticələrin təhlili aparılıb, müvafiq tapşırıqlar verilib.