DÜNYA


Qasırğa və güclü yağış Kiyevdə həyatı iflic edib

Kiyev, 26 iyul, AZƏRTAC

Ukraynanın paytaxtı Kiyev şəhərində iyulun 25-dən günorta saatlarından qasırğa ilə müşahidə olunan güclü yağış daşqınlara səbəb olub. Onlarla ağac aşıb, evin dam örtükləri uçub.

AZƏRTAC xəbər verir ki, şəhərin küçə və prospektlərində yaranan sel bir sıra dövlət müəssisələrinin binalarını su altında qoyub, yeraltı körpülərdə avtomobillərin hərəkəti dayandırılıb.

Reklam lövhələrinin və ağacların aşması nəticəsində onlarla avtomobilə ciddi ziyan dəyib. İctimai nəqliyyatın hərəkəti iflic olub.

Fövqəladə Hallar üzrə Dövlət Xidmətinin əməkdaşları yeraltı körpülərdən suları nasoslarla çəkməyə çalışırlar.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.