REGİONLAR


Qəbələdə taekvondo üzrə yarışda 100-dək idmançı mübarizə aparıb

Qəbələ, 8 may, Mustafa Dadaşov, AZƏRTAC

Ulu öndər Heydər Əliyevin anadan olmasının 96-cı ildönümü münasibətilə mayın 8-də Qəbələ şəhərindəki “Qafqaz Sport” otelinin idman zalında keçirilən yeniyetmələr arasında taekvondo üzrə rayon birinciliyində 100-dək idmançı mübarizə aparıb.

AZƏRTAC-ın bölgə müxbiri xəbər verir ki, rayon Gənclər və İdman İdarəsinin təşkilatçılığı ilə keçirilən yarışın açılış mərasimində idarənin rəisi Fəxri Soltanov çıxış edərək, Ulu Öndərin idmanın inkişafındakı xidmətlərindən söz açıb, Prezident İlham Əliyevin diqqət və qayğısı sayəsində hazırda Azərbaycanın dünyada qabaqcıl idman ölkəsi kimi tanındığını diqqətə çatdırıb. Bildirilib ki, yarışın keçirilməsində məqsəd ümummilli lider Heydər Əliyevin Azərbaycanın inkişafı naminə gördüyü işləri ictimaiyyətin diqqətinə çatdırmaq, eyni zamanda, rayonda idmanın kütləviliyinə nail olmaq, yeniyetmə və gənc idmançıların yarış təcrübəsini və ustalığını artırmaq, taekvondo idman növünü təbliğ etməkdən ibarətdir.

Sonra yarışlara start verilib. İdmançılar iki yaş qrupunda 10 çəki dərəcəsi üzrə mübarizə aparıblar. Sonda birinciliyin qalibləri mükafatlandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.