CƏMİYYƏT


Qərbi Kaspi Universitetində dini radikalizmə qarşı mübarizəyə həsr edilən maarifləndirmə tədbiri keçirilib

Bakı, 8 iyun, AZƏRTAC

İyunun 8-də Dini Qurumlarla İş üzrə Dövlət Komitəsinin (DQİDK) təşkilatçılığı ilə Qərbi Kaspi Universitetində “Dini radikalizmin mahiyyəti, yaranma səbəbləri və ona qarşı mübarizənin hüquqi əsasları” mövzusunda tədbir keçirilib. Bu barədə AZƏRTAC-a Dini Qurumlarla İş üzrə Dövlət Komitəsindən məlumat veriblər.

Tədbirdə DQİDK sədrinin müavini Səyavuş Heydərov, Qərbi Kaspi Universitetinin rektoru Andris Leitas, eləcə də təhsil müəssisəsinin müəllim və tələbə heyəti iştirak ediblər.

Əvvəlcə DQİDK-nın sifarişi ilə çəkilmiş, Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin xatirəsinə həsr olunmuş “Şəhadət” sənədli filmi nümayiş etdirilib.

Filmin nümayişindən sonra çıxış edən Universitetinin rektoru Andris Leitas bu cür filmlərin gənclərin maarifləndirilməsi istiqamətindəki əhəmiyyətindən danışıb. Rektor gənclərin dini radikalizmin təsiri altına düşməməsi və bu istiqamətdə məlumatlandırılmasının təmini üçün bu tipli maarifləndirici filmlərin çəkilməsinin və istiqamətləndirici tədbirlərin daha çox keçirilməsinin önəmini qeyd edib.

Dövlət Komitəsinin sədr müavini Səyavuş Heydərov çıxışında İslam dininin sülh, əmin-amanlıq dini olduğunu bildirərək qeyd edib ki, dinimizin radikalizm və məzhəbçilik kimi hallara alət olunması yolverilməzdir. Vurğulanıb ki, ölkəmizdə bütün dinlərin və məzhəblərin nümayəndələri bir ailə kimi yaşayırlar. Bu birgəyaşayış başqaları üçün xəyal kimi görünsə də xalqımız bunu praktikada yaşamaqdadır. Biz həm dövlətimizin, həm də ölkəmizdə ictimai-siyasi sabitlik və təhlükəsizliyin qədrini bilməli, tarixən formalaşmış dəyərlərimizə sahib çıxmalıyıq.

Ölkəmizdə həyata keçirilən dini maarifləndirmə tədbirlərinin əhəmiyyətinə də toxunan sədr müavini bildirib ki, yeni nəsil gənclərin məzhəbçilik kimi arzuolunmaz, son dərəcə təhlükəli, zərərli “ideologiyaların”, meyillərin təsirindən qorunması əsas prioritet istiqamətlərdən birini təşkil edir.

“Şəhadət” sənədli filminin süjet xətti, Vətən uğrunda canlarından keçmiş şəhidlərimiz və qeyri-qanuni hərbi birləşmələrin tərkibində vuruşaraq öldürülən insanlar haqqında danışan sədr müavini gənclərin diqqətli olmalarının, müəyyən dini bilgilərə yiyələnmələrinin, eyni zamanda, onların radikalizmə qarşı mübarizədə fəal olmalarının vacibliyini diqqətə çatdırıb.

Dövlət Komitəsinin təhlil və proqnozlaşdırma şöbəsinin müdir müavini Aqşin Axundov isə dini radikalizmə qarşı mübarizə tədbirləri barədə fikirlərini bölüşüb.

Sonda tələbələrin sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.