REGİONLAR


Qida Təhlükəsizliyi Agentliyinin sədri Sumqayıtda işlə təmin olunmaq istəyən sakinlərlə görüşüb

Bakı, 30 iyun, AZƏRTAC 

İyunun 30-da Qida Təhlükəsizliyi Agentliyinin sədri Qoşqar Təhməzli Sumqayıt şəhəri Heydər Əliyev Mərkəzinin inzibati binasında Qida Təhlükəsizliyi İnstitutunda və digər yerli struktur bölmələrdə işlə təmin olunmaq üçün müraciət edən Sumqayıt və Xırdalan şəhərlərinin sakinləri ilə görüşüb.

Bu barədə AZƏRTAC-a agentliyin Kommunikasiya və informasiya texnologiyaları şöbəsindən məlumat verilib.

Yerli televiziyada əvvəlcədən elan olunmuş ixtisas istiqamətləri üzrə müraciət edən vətəndaşlarla görüşən agentlik sədri iş üçün müraciət edən iddiaçıların peşəkarlıq səviyyəsini, bilik və bacarıqlarını yoxlayıb, müvafiq struktur bölmələrin rəhbərlərinə tapşırıqlar verib.

Q.Təhməzli görüşdə iştirak edən şəhər sakinlərinə dövlətimizin başçısının qida təhlükəsizliyi ilə bağlı son dövrlərdə imzaladığı fərman və sərəncamların qida zəncirinin bütün mərhələlərində istehlakçıların hüquqlarının qorunmasına, bu sahədə fəaliyyət göstərən sahibkarlar üçün münbit şəraitin yaradılmasına və əhalinin sağlam qida məhsulları ilə təmin olunması istiqamətində inkişafa təkan verəcəyini vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.