REGİONLAR


Qubada 17 yaşlı gənc itkin düşüb

Quba, 10 dekabr, Elxan Yusifli, AZƏRTAC 

Qubada 17 yaşlı gənc on gün əvvəl itkin düşüb.

Daxili İşlər Nazirliyinin (DİN) Mətbuat Xidmətinin Quba regional qrupundan AZƏRTAC-ın bölgə müxbirinə verilən məlumata görə, rayonun Vladimirovka kənd sakini Əziz Qasımov dekabrın 1-i səhər saatlarında təhsil aldığı Quba rayon Dövlət Sosial İqtisadi Kollecinə gedib. Amma dərs saatları bitdikdən sonra təhsil müəssisəsindən çıxaraq geri qayıtmayıb.

Arıq bədən qurluşuna malik Əziz Qasımovun boyu 1 metr 80 santimetrdir. Dərsə gedən zaman onun əynində yaşıl rəngdə şalvar, eyni rəngdə qısaqol gödəkcə və göy idman ayaqqabısı olub.

Əziz Qasımov barəsində məlumatı olanlardan DİN-in “102 Zəng Mərkəzi” Xidmətinə, həmçinin (023)335-35-11; (023) 335-43-02 şəhər nömrələrinə zəng vuraraq Quba Rayon Polis Şöbəsinə məlumat vermələri xahiş olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.