REGİONLAR
Qusar sakinlərinin qaz təchizatına dair müraciətləri dinlənilib
Bakı, 7 dekabr, AZƏRTAC
Xahiş edirik, Qusar rayonunda salınan yeni yaşayış massivini qazlaşdırasınız.
“Azəriqaz” İB-dən AZƏRTAC-a bildirilib ki, bu müraciəti 10-a yaxın sakin Qusarda keçirilən “Açıq mikrofon” aksiyasında səsləndirib. Vətəndaşlardan İlham Şərbətovla Cəmiyyət Ağasıyeva isə mavi yanacağa tətbiq edilən limitlə bağlı narazılıqlarını qeyd ediblər.
“Azəriqaz”ın Xaçmaz Regional Qaz İstismarı İdarəsinin rəhbər şəxsləri sakinlərin limitlə bağlı müraciətlərinə cavab olaraq bildiriblər ki, ölkə ərazisində qazın qiymət və limiti Tarif Şurası tərəfindən müəyyənləşdirilir və Birlik bununla bağlı hər hansı bir səlahiyyətə malik deyil.
Hər bir müraciət dinlənildikdən sonra qeydə alınaraq həlli istiqamətində müvafiq tapşırıqlar verilib.