REGİONLAR


Qusarda tələbələrin ifasında Azərbaycan, Avropa və rus bəstəkarların əsərləri səsləndirilib

Qusar, 7 iyun, Elxan Yusifli, AZƏRTAC

Azərbaycan Milli Konservatoriyası tərkibində musiqi kollecinin tələbələrinin iştirakı ilə Qusar Uşaq İncəsənət Məktəbində konsert proqramı nümayiş etdirilib.

AZƏRTAC xəbər verir ki, konsertdə təqdim olunan Azərbaycan, Avropa və rus bəstəkarların əsərləri maraqla qarşılanıb.

Musiqi kollecinin tələbələri fortepianoda solo ifalarla yanaşı, ansambl üçün yazılmış əsərləri də məharətlə ifa ediblər.

Bölgələrdə klassik musiqinin inkişafı və gənc istedadların üzə çıxarılmasına kömək məqsədilə təşkil olunan konsertdə çıxış edən tələbələrin bir neçəsi vaxtilə Xaçmaz və Qusar musiqi məktəblərinin məzunları olublar.

Musiqi kollecinin müəllimləri - Rəna Kamilova, İradə Rəfizadə, Aygül Baxşiyeva, Ziyafət Acalova və başqalarının da iştirak etdikləri tədbirdə Qusar Uşaq İncəsənət Məktəbinin kitabxanasına kitablar hədiyyə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.