DÜNYA
“RUHNAMƏ”NİN İKİNCİ CİLDİ DƏ YAZILDI
Kitab sentyabrda işıq üzü görəcək və bir ay sonra Xalq Şurasında onun təqdimat mərasimi keçiriləcəkdir.
“Ruhnamə” adi kitab deyildir. O, türkmənlərin mənəvi inkişafına dair bütöv bir proqramdır. Bu proqramı dövlət başçısı hələ 1998-ci ildə irəli sürmüşdü. Onun fikrincə, bu təlim “insan davranışının xartiyası, qanunlar toplusu və türkmən cəmiyyətinin məqsəd-məramı” olmalıdır.
Sentyabr ayı Niyazovun kitabı şərəfinə “Ruhnamə” adlandırılır. İndən belə həftənin şənbə günü isə “ruhgün” adlandırılacaqdır.
Xatırladaq ki, “Ruhnamə” 10-dan çox dilə - rus, ingilis, fransız, yapon, urdu, ərəb, Ukrayna, Litva, belarus, Çin, polyak, fars, çex, türk, qırğız, qazax və zulu dillərinə çevrilmişdir. Onu hətta Brayl şrifti ilə də nəşr etmək qərara alınmışdır.