DÜNYA


Rusiya Avropa İttifaqının birləşmiş hərbi qüvvələrinin yaradılmasını dəstəkləmir

Moskva, 23 may, AZƏRTAC

Avropa İttifaqının (Aİ) birləşmiş hərbi qüvvələrinin yaradılması qitədə təhlükəsizliyin təminatına kömək etməyəcək.

AZƏRTAC xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərə açıqlamasında bildirib.

Xatırladaq ki, Avropa İttifaqının xarici işlər və təhlükəsizlik siyasəti məsələləri üzrə ali nümayəndəsi Jozef Borrel mayın 22-də Aİ-nin təhlükəsizliyini təmin etmək üçün öz silahlı qüvvələrini yaratmasının vacibliyini vurğulayıb. Onun fikrincə, Avropa İttifaqı müasir birləşmiş silahlı qüvvələr yaratmalıdır.

D.Peskov J.Borrelin Ukraynada münaqişənin döyüş meydanında həll olunmasının vacibliyi barədə dediklərini xatırladaraq qeyd edib ki, Avropanın silahlanması qitədə təhlükəsizliyin və sabitliyin bərqərar olmasına kömək etməyəcək.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.