İDMAN


Rusiya millisi Avropa çempionatında ardıcıl ikinci qələbəsini qazanıb

Bakı, 26 yanvar, AZƏRTAC

Yanvarın 25-də Niderlandda futzal üzrə Avropa çempionatının qrup mərhələsi çərçivəsində ikinci turun növbəti oyunları keçirilib.

AZƏRTAC xəbər verir ki, C qrupu çərçivəsində iki oyun təşkil olunub.

Günün ilk matçında Polşa və Slovakiya milli komandaları üz-üzə gəliblər. Görüşdə qalib müəyyənləşməyib - 2:2.

Digər oyunda isə Xorvatiya millisi Rusiya seçməsi ilə qarşılaşıb. Matçda rusiyalı futzalçılar 4:0 hesablı qələbə qazanıblar.

İlk turda Avropa çempionu Rusiya millisi Slovakiyanı 7:1, Xorvatiya yığması isə Polşanı 3:1 hesabı ilə məğlub edib.

Hər iki matç Amsterdam şəhərindəki "Ziggo Dome" Arenada keçirilib.

Qeyd edək ki, D qrupunda mübarizə aparan Azərbaycan millisi ilk oyununda Gürcüstan komandasına 2:3 hesabı ilə uduzub. Seçməmiz növbəti görüşünü yanvarın 26-da İspaniyaya qarşı keçirəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.