“Sabah”ın sabiq futbolçusu karyerasını Serbiyada davam etdirəcək

Bakı, 15 fevral, AZƏRTAC

Ötən ilin oktyabrında “Sabah”dan ayılan Petar Şkuletiçin yeni klubu müəyyənləşib.

AZƏRTAC xəbər verir ki, serbiyalı hücumçu karyerasını ölkəsinin Super Liqa təmsilçisi “Baçka Topola”da davam etdirəcək.

Qeyd edək ki, P.Şkuletiç ötən ilin sentyabrında “Sabah”a transfer olunmuşdu. Ancaq 31 yaşlı oyunçu şəxsi məsələləri səbəbindən bir ay sonra klubla müqaviləni qarşılıqlı razılaşma əsasında ləğv etmişdi.