CƏMİYYƏT


Sabirabad rayonunda 83 yulğun kolunun kökündən çıxarılması faktı aşkarlanıb

Bakı, 8 oktyabr, AZƏRTAC 

Ekologiya və Təbii Sərvətlər Nazirliyinin 3 saylı Regional Ekologiya və Təbii Sərvətlər İdarəsinin əməkdaşları Sabirabad rayonunun Salmanlı kəndi ərazisində yaşköküstə 83 yulğun kolunun kökündən çıxarılması faktını aşkarlayıblar.

Nazirliyin mətbuat xidmətindən AZƏRTAC-a bildiriblər ki, araşdırma zamanı yulğun kollarının Salyan rayonunun Yuxarı Noxudlu kənd sakini Vaqif Babayev tərəfindən çıxarıldığı müəyyənləşib.

Faktla bağlı V.Babayev barəsində akt tərtib edilib və təbiətə 6640 manat məbləğində ziyan dəydiyi məlum olub.

Dəymiş ziyanın məbləği cinayət tərkibi yaratdığından toplanmış materiallar məsələyə hüquqi qiymət verilməsi və təqsirkar barəsində qanunauyğun tədbirlərin görülməsi üçün Sabirabad Rayon Prokurorluğuna göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.