İQTİSADİYYAT


Səkkiz ayda Azərkosmos 17,2 milyon ABŞ dolları dəyərində xidmət ixrac edib

Bakı, 30 sentyabr, AZƏRTAC

Cari ilin yanvar-avqust aylarında Azərkosmos tərəfindən dünyanın 36 ölkəsinə 17,2 milyon ABŞ dolları dəyərində xidmət (peyk telekommunikasiya xidmətləri və optik peyk xidmətləri) ixrac olunub.

AZƏRTAC İqtisadi İslahatların Təhlili və Kommunikasiya Mərkəzinin “İxrac icmalı”nın sentyabr sayına istinadla bildirir ki, Azərkosmosun xidmət ixracından əldə etdiyi gəlir onun ümumi gəlirlərinin 83 faizidir. Avqustda Azərkosmos dünyanın 33 ölkəsinə 2,1 milyon dollar dəyərində xidmət ixrac edib.

Səkkiz ay ərzində peyk telekommunikasiya və optik peyk xidmətlərinin ixracının ilk beşliyində isə 4,4 milyon dollar ilə Birləşmiş Krallıq, 3,5 milyon dollar ilə Fransa, 2,9 milyon dollar ilə Lüksemburq, 1,6 milyon dollar ilə BƏƏ və 956,7 min dollar ilə Pakistan qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.