İQTİSADİYYAT


Səkkiz ayda OPEC+ sazişi üzrə öhdəliklərə 99 faiz əməl olunub

Bakı, 22 sentyabr, Nihad Budaqov, AZƏRTAC 

Neft İxrac Edən Ölkələr Təşkilatına (OPEC) üzv və kartelə üzv olmayan ölkələr ilə əldə edilən neft hasilatının azaldılması üzrə saziş üzrə öhdəliklərə bu ilin 8 ayında 99 faiz əməl edilib.

AZƏRTAC xəbər verir ki, bu barədə Rusiyanın energetika naziri Aleksandr Novak OPEC+ ölkələrin nümayəndələrindən ibarət Birgə Monitorinq Komitəsinin sentyabrın 22-də Avstriyanın paytaxtı Vyanada keçirilən iclasında deyib.

Nazir OPEC+ sövdələşməsinin neft bazarında qeyri-sabitliyin azalmasına səbəb olduğunu deyib. O qeyd edib ki, ilin birinci yarısında bazarda neftin qiyməti təxminən 30 faiz bahalaşıb: “OPEC + sazişinə Liviya və Nigeriyanın qoşulması məsələsi barədə danışmaq hələ ki tezdir. Lakin bu qərar qəbul etmək imkanı həmişə var”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.