İDMAN


Sərbəst güləş üzrə yığmamız Kislovodskda təlim-məşq toplanışını davam etdirir VİDEO

Bakı, 18 fevral, AZƏRTAC

Sərbəst güləş üzrə yığmamız Rusiyanın kurort şəhəri Kislovodskda təlim-məşq toplanışını davam etdirir.

AZƏRTAC xəbər verir ki, fevralın 14-dən qonşu ölkədə hazırlıq keçən millimiz gündə 3 dəfə məşqə çıxır. On beş günlük toplanışda əsas diqqət fiziki hazırlığa ayrılıb. Yüklənmə fonunda məşqləri davam etdirən güləşçilərimiz həftədə 2 dəfə xalça üzərində də hazırlıq keçirlər.

Xatırladaq ki, baş məşqçi Saypulla Absaidov, böyük məşqçi Zəlimxan Hüseynov, məşqçilər Arif Abdullayev və Sadruddin Ayqubovun sərəncamında 16 güləşçi var. Nümayəndə heyətinə Azərbaycan Gükəş Federasiyasının sərbəst güləş üzrə vitse-prezidenti Firdovsi Umudov rəhbərlik edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.